മലപ്പുറം: കടല തൊണ്ടയില് കുടുങ്ങി മലപ്പുറത്ത് മൂന്ന് വയസുകാരൻ മരിച്ചു. മലപ്പുറം കുന്നുംപുറം ചെങ്ങാനി കാരാട്ടാലുങ്ങല് വെല്ലക്കാടന് മുനീറിന്റെ മകന് മുഹമ്മദ് റിസാന് (3) ആണ് മരിച്ചത്. മിക്സ്ചർ കഴിക്കുന്നതിനിടെ അതിലുള്ള കടല തൊണ്ടയില് കുടുങ്ങുകയായിരുന്നു. കഴിഞ്ഞ തിങ്കളാഴ്ചയായിരുന്നു സംഭവം.
കടല തൊണ്ടയില് കുടുങ്ങി ശ്വാസതടസം നേരിട്ട കുട്ടിയെ ഉടന് തന്നെ കുന്നുംപുറത്തെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം മഞ്ചേരി മെഡിക്കൽ കോളേജിൽ പോസ്റ്റ്മോർട്ടം നടപടികൾ പൂർത്തിയാക്കിയ ശേഷം കുന്നുമ്മൽ കാരാട്ടുങ്ങലിലെ ജുമാ മസ്ജിദിൽ ഖബറടക്കം നടത്തി.