കൊച്ചി: സംസ്ഥാനത്ത് സ്വര്ണവില ഒരു ലക്ഷം കടന്നു. സർവ്വകാല റെക്കോര്ഡിട്ട സ്വര്ണവില ഇന്ന് പവന് 1760 രൂപ വര്ദ്ധിച്ചതോടെയാണ് ഒരു ലക്ഷം കടന്ന് കുതിച്ചത്. 1,01,600 രൂപയാണ് ഇന്ന് ഒരു പവന് സ്വര്ണത്തിന്റെ വില. ഗ്രാമിന് 220 രൂപയാണ് വര്ദ്ധിച്ചത്. 12,700 രൂപയാണ് ഒരു ഗ്രാം സ്വര്ണത്തിന്റെ വില.
ഇന്നലെ രണ്ടു തവണയായി 1440 രൂപയാണ് വര്ദ്ധിച്ചത്. ഡിസംബറിൻ്റെ തുടക്കത്തില് 95,680 രൂപയായിരുന്നു ഒരു പവന് സ്വര്ണത്തിന്റെ വില. 9ന് 94,920 രൂപയായി ഇടിഞ്ഞ സ്വർണ വില ഈ മാസത്തെ ഏറ്റവും താഴ്ന്ന നിലവാരത്തില് എത്തി. പിന്നീടുള്ള ദിവസങ്ങളില് വില ഉയരുന്നതാണ് ദൃശ്യമായത്.