ആലപ്പുഴ: ആലപ്പുഴ മാന്നാറില് പെൺമക്കൾക്ക് വിഷം നല്കിയ ശേഷം അച്ഛന് ജീവനൊടുക്കി. മാന്നാര് ശിവശൈലം വെള്ളിക്കിഴക്കേതില് മനോജ് (45) ആണ് മരിച്ചത്. മക്കള് ശിവഗംഗ (11), ശിവ കീര്ത്തന (7) എന്നിവര് ആശുപത്രിയില് ഗുരുതരാവസ്ഥയില് തുടരുകയാണ്.
സ്കൂളില് നിന്ന് വിളിച്ചുകൊണ്ടു വരുന്ന വഴിയാണ് മനോജ് കുട്ടികള്ക്ക് വിഷം നല്കിയത്. സാമ്പത്തിക ബാധ്യതയാണ് സംഭവത്തിന് കാരണമെന്ന് പ്രാഥമിക നിഗമനം. കാറില് അബോധാവസ്ഥയില് പാലത്തിനരികില് കിടക്കുന്നത് കണ്ട നാട്ടുകാരാണ് ആശുപത്രിയില് എത്തിച്ചത്.
ജ്യൂസിലാണ് പെണ്കുട്ടികള്ക്ക് അച്ഛന് വിഷം കലക്കി നല്കിയത്. വിഷമാണെന്ന് അറിയാതെയാണ് മക്കള് ജ്യൂസ് കുടിച്ചതെന്നും പൊലീസ് പറഞ്ഞു. ശിവഗംഗ ആറാം ക്ലാസിലും ശിവ കീര്ത്തന രണ്ടാം ക്ലാസിലുമാണ് പഠിക്കുന്നത്.