പ്ലസ്ടു സേ, ഇംപ്രൂവ്മെൻ്റ് പരീക്ഷാ ഫലം പ്രസിദ്ധീകരിച്ചു.

തിരുവനന്തപുരം: കേരള പ്ലസ്ടു സേ, ഇംപ്രൂവ്മെൻ്റ് പരീക്ഷ-2025 ഫലങ്ങൾ പ്രസിദ്ധീകരിച്ചു. ഹയർ സെക്കൻഡറി വിദ്യാഭ്യാസ ഡയറക്ടറേറ്റ് ജൂലൈ 18ന് ഔദ്യോഗിക വെബ്‌സൈറ്റായ results.hse.kerala.gov.in വഴിയാണ് സേ, ഇംപ്രൂവ്മെൻ്റ് പരീക്ഷാ ഫലം പ്രസിദ്ധീകരിച്ചത്. വിദ്യാർത്ഥികൾക്ക് അവരുടെ റോൾ നമ്പർ, ജനനത്തീയതി എന്നിവ ഉപയോഗിച്ച് ഫലം പരിശോധിക്കാം. 

ഓൺലൈനായി പുറത്തിറക്കിയ DHSE കേരള പ്ലസ്ടു സേ -2025 ഫലം താൽക്കാലികമാണെന്ന് വിദ്യാർത്ഥികൾ ശ്രദ്ധിക്കുക. സ്കൂളിൽ നിന്ന് വിദ്യാർത്ഥികൾ അവരുടെ യഥാർത്ഥ മാർക്ക് ഷീറ്റ് ശേഖരിക്കേണ്ടതുണ്ട്. 80,000 ത്തിലധികം വിദ്യാർത്ഥികളാണ് ഇത്തവണ സേ പരീക്ഷ എഴുതിയത്. 

കേരള പ്ലസ്ടു സേ പരീക്ഷ-2025 ഫലം ഓൺലൈനായി പരിശോധിക്കുന്നതിനുള്ള ഘട്ടങ്ങൾ

• ഔദ്യോഗിക വെബ്സൈറ്റായ results.hse.kerala.gov.in സന്ദർശിക്കുക.

• ഫലമറിയാനുള്ള ലോഗിൻ പേജ് സ്ക്രീനിൽ തെളിയും.

• റോൾ നമ്പറും ജനനത്തീയതിയും നൽകുക വിശദാംശങ്ങൾ സമർപ്പിക്കുക.

• കേരള പ്ലസ്ടു സേ/ഇംപ്രൂവ്മെൻ്റ്-2025 ഫലം സ്ക്രീനിൽ തുറക്കും.

• അതിന്റെ ഒരു പ്രിന്റൗട്ട് എടുത്ത് ഭാവിയിലേക്ക് സുരക്ഷിതമായി സൂക്ഷിക്കുക.