പേരാമ്പ്ര: പേരാമ്പ്രയിൽ ബസും ബൈക്കും കൂട്ടിയിടിച്ചുണ്ടായ അപകടത്തിൽ യുവാവിന് ഗുരുതര പരിക്ക്. വാല്യക്കോട് സ്വദേശി ആദ്യദേവ് (19) നാണ് പരിക്കേറ്റത്. വടകരയിൽ നിന്നും പേരാമ്പ്രയിലേക്ക് വരികയായിരുന്ന ബസ്സും പേരാമ്പ്ര ഭാഗത്ത് നിന്നും മേപ്പയൂരിലേക്കു പോകുകയായിരുന്ന ബൈക്കും തമ്മിലായിരുന്നു കൂട്ടിയിടിച്ചത്.
ഇന്ന് വൈകുന്നേരം 6 മണിയോടെ പേരാമ്പ്ര ചിലമ്പ വളവിലായിരുന്നു അപകടം. അപകടത്തിൽ പരിക്കേറ്റ യുവാവിനെ ഉടൻതന്നെ പേരാമ്പ്രയിലെ ഇഎംഎസ് സഹകരണ ആശുപത്രിയിൽ എത്തിച്ച് പ്രാഥമിക ചികിത്സയ്ക്ക് ശേഷം കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു. പേരാമ്പ്ര പോലീസ് സംഭവ സ്ഥലത്ത് എത്തി പരിശോധന നടത്തി.