കോഴിക്കോട്: മലയാളിയുടെ അടുക്കള ബജറ്റിനെ താളം തെറ്റിച്ച് അവശ്യസാധന വില കുതിച്ചു ഉയരുകയാണ്. ഉപ്പു തൊട്ട് കര്‍പ്പൂരം വരെ നിത്യോപയോഗ സാധനങ്ങള്‍ക്കെല്ലാം പൊള്ളും വിലയാണ്. എണ്ണ വിലയും പച്ചക്കറി വിലയുമെല്ലാം ഓരോ ദിനവും കുതിക്കുകയാണ്. ഇപ്പോഴത്തെ നിലയില്‍ വില വർദ്ധന തുടര്‍ന്നാല്‍ ഓണം എത്തുമ്പോഴേക്കും വില 600 രൂപ കടക്കുമെന്നാണ് വ്യാപാരികള്‍ പറയുന്നത്. വിലക്കയറ്റത്തില്‍ നിന്ന് രക്ഷനേടാന്‍ സണ്‍ഫ്‌ളവര്‍ ഓയില്‍, പാം ഓയില്‍ തുടങ്ങിയ മറ്റ് ഭക്ഷ്യയെണ്ണകളിലേക്ക് ഉപഭോക്താക്കള്‍ മാറിത്തുടങ്ങി. ഇത്തരം ഭക്ഷ്യയെണ്ണകള്‍ക്ക് ലിറ്ററിന് 200 രൂപയില്‍ താഴെ മാത്രമാണ് വില.
ഇതിനൊപ്പം തന്നെ വ്യാജന്മാരും വിപണിയില്‍ സുലഭമാണ്. മായം ചേര്‍ത്ത് കുറഞ്ഞ വിലയിലാണ് ഇത്തരം വെളിച്ചെണ്ണ വിപണിയില്‍ എത്തുന്നത്. കൂടാതെ, ഒറ്റനോട്ടത്തില്‍ മനസ്സിലാകാത്ത വിധം പല ബ്രാന്‍ഡുകളുടെ പേരുകളോട് സാദൃശ്യമുള്ള പായ്ക്കറ്റുകളിലും ഇത്തരം വെളിച്ചെണ്ണ സുലഭമായി വിപണിയിലെത്തുന്നുണ്ട്. ഇവയ്ക്ക് യഥാര്‍ത്ഥ വെളിച്ചെണ്ണയുടെ മണവും നിറവുമുണ്ടാകും. ആരോഗ്യത്തിന് അപകടകരവും മാരകവുമായ പല അസുഖങ്ങള്‍ക്കും കാരണമാകുന്നവയുമാണ്.