പേരാമ്പ്ര സ്വദേശിയായ യുവാവ് ദുബായിൽ ഹൃദയാഘാതത്തെ തുടർന്ന് മരിച്ചു.

ദുബായ്: പേരാമ്പ്ര സ്വദേശിയായ യുവാവ് യുഎഇയിൽ ഹൃദയാഘാതത്തെ തുടർന്ന് മരിച്ചു. പേരാമ്പ്ര മുളിയങ്ങൽ ചേനോളിതാഴെ സമീസാണ് മരിച്ചത്. 39 വയസായിരുന്നു. ദുബായിൽ പ്രവാസിയായ സമീസ് ‘വേക്ക് മെഷീൻ ആൻഡ് ടൂൾസ്’ കമ്പനിയിൽ ജീവനക്കാരനായിരുന്നു.

ദുബൈ കറാമയിൽ താമസത്തെ സ്ഥലത്തെ അണ്ടർഗ്രൗണ്ട് പാർക്കിങ്ങിൽ കാറിൽ കയറുന്നതിനിടെ ഹൃദയാഘാതം സംഭവിക്കുകയായിരുന്നു. മൃതദേഹം നടപടികൾ പൂർത്തിയാക്കി നാട്ടിൽ കൊണ്ടുപോകും. പിതാവ്: കുഞ്ഞഹമ്മദ്. മാതാവ്: ബീവി. ഭാര്യ: നൗഫിയ. നാല് മക്കളുണ്ട്.