താമരശ്ശേരി: ദേശീയ പാതയിൽ താമരശ്ശേരി പെരുമ്പള്ളിയിൽ നിയന്ത്രണംവിട്ട ഓട്ടോറിക്ഷ മതിലിടിച്ച് നാലുപേർക്ക് പരിക്ക്. കൈതപ്പൊയിൽ നോളേജ് സിറ്റിയിലേക്ക് റയിൽവേ സ്റ്റേഷനിൽ നിന്നും അതിഥിതൊഴിലാളികളുമായി വരികയായിരുന്ന ഓട്ടോറിക്ഷയാണ് അപകടത്തിൽപ്പെട്ടത്. ബംഗാൾ സ്വദേശികളായ റിസാഹുൽ ഹുസൈൻ, മുഹമ്മദ് സാമിർ, നാസിർ അലി, കൈതപ്പൊയിൽ സ്വദേശിയായ ഓട്ടോ ഡ്രൈവർ അഫ്സൽ എന്നിവർക്കാണ് പരുക്കേറ്റത്.
തെറ്റായ ദിശയിൽ എതിരെ വന്ന കാറിനെ ഒഴിവാക്കാൻ ഓട്ടോറിക്ഷ റോഡിന് അരികിലേക്ക് വെട്ടിച്ചതായിരുന്നു. റോഡിലെ അര അടിയോളം പൊങ്ങി നിന്ന ടാറിംങ്ങിൻ്റെ കട്ടിങ്ങിൽ ചാടി നിയന്ത്രണം വിട്ട് മതിലിൽ ഇടിച്ചായിരുന്നു അപകടം. ബംഗാൾ സ്വദേശികളായ മൂന്നു പേരെ താമരശ്ശേരി താലൂക്ക് ആശുപത്രിയിൽ പ്രാഥമിക ചികിത്സ നൽകിയ ശേഷം കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.