മലപ്പുറം: മലപ്പുറം വെട്ടത്തൂരില് സഹോദരങ്ങള് ഷോക്കേറ്റ് മരിച്ചു. കോഴി ഫാമിലേക്ക് തീറ്റ ഇറക്കുന്നതിനിടെയാണ് ഏഴുതല സ്വദേശികളായ പട്ടിക്കുത്തൻ മുഹമ്മദ് ഫാസിൽ മുർഷിദ് (32), സാഹിർ നവാസ് (36) എന്നിവർ ഷോക്കേറ്റ് മരിച്ചത്. ഇന്ന് രാവിലെ പതിനൊന്നോടെയായിരുന്നു അപകടം. ഫാമിലേക്ക് തീറ്റ ഇറക്കുന്നതിനിടെ സമീപത്തെ കമ്പിയില് നിന്നാണ് ഇവര്ക്ക് വൈദ്യുതാഘാതമേറ്റത്.
പന്നിക്ക് വെച്ച കെണിയിലെ കമ്പിയില് നിന്നാകാം ഷോക്കേറ്റതെന്ന് നാട്ടുകാര് പറയുന്നു. എന്നാല് ഇക്കാര്യം പോലീസ് ഔദ്യോഗികമായി സ്ഥിരീകരിച്ചിട്ടില്ല. മൃതദേഹങ്ങള് നിലവില് പെരിന്തല്മണ്ണയിലെ ആശുപത്രിയിലേക്ക് മാറ്റിയിട്ടുണ്ട്. സംഭവത്തില് പോലീസ് വിശദമായ അന്വേഷണം നടത്തി വരികയാണ്. പിതാവ്: ഹംസ. മാതാവ്: ആയിഷ.