കുറ്റ്യാടി: കക്കട്ടിൽ കോ-ഓപ്പറേറ്റീവ് ബാങ്ക് മാനേജറെ ജീവനൊടുക്കിയ നിലയിൽ കണ്ടെത്തി. തളീക്കര ശാഖാ മേനേജർ പി.കെ ഗനീഷ് കുമാർ (50) ആണ് മരിച്ചത്. വീടിന് സമീപ് മുറുവാശ്ശേരി വായനശാലയിലാണ് ഇന്ന് രാവിലെ തൂങ്ങിമരിച്ച നിലയിൽ കണ്ടെത്തിയത്. കർഷകസംഘം മേഖലാ സെക്രട്ടറി കൂടിയാണ് ഗനീഷ് കുമാർ.
പതിവുപോലെ പ്രഭാത സവാരിക്കിറങ്ങിയതായിരുന്നു. തിരികെ വരാത്തതിനെ തുടർന്ന് അന്വേഷിച്ച് ചെന്നപ്പോഴാണ് തൂങ്ങിയ നിലയിൽ കാണുന്നത്. കുറ്റ്യാടി പോലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റ്മോർട്ടത്തിന് അയച്ചു. വ്യക്തിപരമായ സാമ്പത്തിക ബാധ്യതയെ തുടർന്ന് ആത്മഹത്യ ചെയ്തതാവാമെന്നാണ് പ്രാഥമിക നിഗമനം.