കൂടരഞ്ഞി: വാഹനാപകടത്തില് ബൈക്ക് യാത്രികനായ യുവാവ് മരിച്ചു. കൂടരഞ്ഞി പൂവാറംതോട് സ്വദേശി അഭിജിത്ത് ആണ് മരിച്ചത്. ഇന്ന് പുലര്ച്ചെ 5.45 ഓടെ താഴെ കൂടരഞ്ഞിയിലാണ് അപകടമുണ്ടായത്. അഭിജിത്തും സുഹൃത്തും സഞ്ചരിച്ച ബൈക്കും എതിര് ദിശയില് എത്തിയ കാറും തമ്മില് കൂട്ടിയിടിക്കുകയായിരുന്നു.
പരിക്കേറ്റ സഹയാത്രികനെ ആശുപത്രിയില് പ്രവേശിപ്പിച്ചു. പൂവാറംതോട്ടില് നിന്ന് മുക്കം ഭാഗത്തേക്ക് പോവുകയായിരുന്നു അഭിജിത്ത്. മുക്കം ഭാഗത്തു നിന്ന് കൂടരഞ്ഞി ഭാഗത്തേക്ക് വരികയായിരുന്ന ആള്ട്ടോ കാറിന്റെ മുന്വശത്താണ് ബൈക്ക് ഇടിച്ചത്. അപകട കാരണം വ്യക്തമല്ല.