തിരുവനന്തപുരം: യുഡിഎഫിന്റെ തെരഞ്ഞെടുപ്പ് വാഗ്ദാനമായ കെഎസ്ആര്ടിസി ബസുകളിലെ സ്ത്രീകളുടെ സൗജന്യ യാത്ര ജൂണ് 15 മുതല് തന്നെ നടപ്പിലാക്കുമെന്ന് മുഖ്യമന്ത്രി വി.ഡി സതീശന്. മലബാർ മേഖലയിലേക്ക് കൂടുതൽ ബസുകൾ അനുവദിക്കുന്നതിനെ കുറിച്ച് പഠിക്കുമെന്നും മന്ത്രിസഭ യോഗത്തിന് ശേഷം മുഖ്യമന്ത്രി പറഞ്ഞു.
പ്രായഭേദമന്യേ സ്ത്രീകള്ക്കും ട്രാന്ജെന്ഡറുകള്ക്കും ഓര്ഡിനറി ബസ്സുകളില് സൗജന്യയാത്ര ലഭ്യമാകും. പ്രിയദര്ശിനി എന്ന പേരിലാണ് സൗജന്യയാത്ര നടപ്പിലാക്കുന്നത്. പദ്ധതി നടപ്പിലാക്കുന്നതിലൂടെ കെഎസ്ആര്ടിസിക്ക് 750-800 കോടി രൂപയോളം സാമ്പത്തിക ബാധ്യത ഉണ്ടാകുമെന്നാണ് കണക്ക്. ഈ തുക സര്ക്കാര് നല്കും. സ്റ്റേറ്റ് അറ്റോണിയായി അനൂപ് വി. നായരെ നിയമിച്ചെന്നും മുഖ്യമന്ത്രി അറിയിച്ചു.