താമരശ്ശേരി: താമരശ്ശേരി ചുരം എട്ടാം വളവിന് മുകളിൽ വെച്ച് നിയന്ത്രണംവിട്ട ലോറി കാറിലും ബൈക്കിലും ഇടിച്ച ശേഷം അഴുക്കുചാലിലേക്ക് മറിഞ്ഞു. ഇന്ന് രാവിലെ 7.15 ഓടെയായിരുന്നു അപകടം സംഭവിച്ചത്. അപകടത്തിൽപ്പെട്ട ബൈക്ക് യാത്രികൻ തലനാരിഴയ്ക്കാണ് രക്ഷപ്പെട്ടത്. നിയന്ത്രണംവിട്ട ലോറി മുന്നിലുണ്ടായിരുന്ന വാഹനങ്ങളിലേക്ക് ഇടിച്ചുകയറുകയായിരുന്നുവെന്നാണ് പ്രാഥമിക വിവരം.
അപകടത്തെ തുടർന്ന് ചുരത്തിൽ ഭാഗികമായി ഗതാഗത തടസ്സം നേരിട്ടു. വിവരമറിഞ്ഞ് പോലീസുദ്യോഗസ്ഥർ ഉടൻ തന്നെ സ്ഥലത്തെത്തുകയും ഗതാഗതം നിയന്ത്രിക്കാനുള്ള നടപടികൾ സ്വീകരിക്കുകയും ചെയ്തു. ചുരം പാതയിൽ ഡ്രൈവർമാർ കൂടുതൽ ജാഗ്രത പാലിക്കണമെന്ന് അധികൃതർ അറിയിച്ചു. അപകടത്തിന്റെ സിസിടിവി (CCTV) ദൃശ്യങ്ങളും പുറത്തുവന്നിട്ടുണ്ട്.