പയ്യോളി: പയ്യോളി സ്വദേശിയായ ലോറി ഡ്രൈവറെ എറണാകുളത്ത് മരിച്ച നിലയില് കണ്ടെത്തി. ഐപിസി റോഡില് കറ്റേരി പാലത്തിന് സമീപം സമീര് (46) ആണ് മരിച്ചത്. ഹൃദയാഘാതത്തെ തുടർന്നാണ് മരിച്ചതെന്നാണ് പ്രാഥമിക നിഗമനം.
ഇന്നലെ വൈകുന്നേരം 4.45 ഓടെയായിരുന്നു സംഭവം. എറണാകുളം പിറവത്ത് ലോറിയുടെ ക്യാബിനുള്ളിൽ സമീറിനെ മരിച്ച നിലയില് കണ്ടെത്തിയതായി ബന്ധുക്കള്ക്കും പയ്യോളി പൊലീസിനും വിവരം ലഭിക്കുകയായിരുന്നു. തുടർന്ന് ബന്ധുക്കള് എറണാകുളത്തേക്ക് തിരിച്ചു.
ഡെൽമൻ സ്റ്റോർ ഉടമ പുതിയോട്ടിൽ കെ.സി.ഖാദറിന്റെയും സുബൈദയുടെയും മകനാണ്. ഭാര്യ: മിന്ഹാസ്. മക്കള്: സഫ് വാന്, സൈഫ, സമീര്. എറണാകുളം മൂവാറ്റുപുഴ ഗവണ്മെന്റ് ആശുപത്രിയില് പോസ്റ്റുമോര്ട്ടത്തിന് ശേഷം അയനിക്കാട് പള്ളി ഖബർസ്ഥാനിൽ ഖബറടക്കും.