കോഴിക്കോട്: നിയമസഭാ തെരഞ്ഞെടുപ്പിനുള്ള മുസ്ലിംലീഗ് സ്ഥാനാർത്ഥികളെ പ്രഖ്യാപിച്ചു. 27 മണ്ഡലങ്ങളില് 25 ഇടത്തെ സ്ഥാനാർത്ഥികളെയാണ് ലീഗ് സംസ്ഥാന പ്രസിഡന്റ് സാദിഖലി തങ്ങള് പ്രഖ്യാപിച്ചത്. പുനലൂരും ചേലക്കരയിലും വൈകാതെ പ്രഖ്യാപനമുണ്ടാകും. ലീഗിന്റെ അഖിലേന്ത്യ ജനറൽ സെക്രട്ടറി പി.കെ കുഞ്ഞാലിക്കുട്ടിയെ വേങ്ങരയിൽ നിന്നും മാറ്റി, പകരം മലപ്പുറത്ത് മത്സരിക്കും. ഇത്തവണത്തെ തെരഞ്ഞെടുപ്പിൽ രണ്ട് വനിതകളെ ലീഗ് മത്സര രംഗത്ത് ഇറക്കി. ഫാത്തിമ തഹ്ലിയ പേരാമ്പ്രയിലും, കൂത്തുപറമ്പിൽ ജയന്തി രാജനുമാണ് സ്ഥാനാര്ത്ഥികള്. മുതിർന്ന നേതാവായ എം.കെ മുനീറിന് ഇത്തവണ സീറ്റില്ല.
സ്ഥാനാർഥിപ്പട്ടിക
1.മഞ്ചേശ്വരം- എ.കെ.എം അഷ്റഫ്.
2.കാസർകോട്- കല്ലിട്ര മായിൻ ഹാജി.
3.അഴീക്കോട്- കരീം ചേലേരി.
4.കൂത്തുപറമ്പ്- ജയന്തി രാജൻ.
5.കുറ്റ്യാടി- പാറയ്ക്കൽ അബ്ദുള്ള.
6.പേരാമ്പ്ര- ഫാത്തിമ തഹ്ലിയ.
7.കോഴിക്കോട് സൗത്ത്- ഫൈസൽ ബാബു.
8.കുന്നമംഗലം- എം.എ റസാഖ് മാസ്റ്റർ.
9.കൊടുവള്ളി- പി.കെ ഫിറോസ്.
10.തിരുവമ്പാടി- സി.കെ കാസിം.
11.കൊണ്ടോട്ടി- ടി.പി അഷ്റഫലി.
12.ഏറനാട്- പി.കെ ബഷീർ.
13.മഞ്ചേരി- എം.റഹ്മത്തുള്ള.
14.പെരിന്തൽമണ്ണ- നജീബ് കാന്തപുരം.
15.മങ്കട- മഞ്ഞളാംകുഴി അലി.
16.മലപ്പുറം- പി.കെ കുഞ്ഞാലിക്കുട്ടി.
17.വേങ്ങര- കെ.എം. ഷാജി.
18.വള്ളിക്കുന്ന്- ടി.വി ഇബ്രാഹിം.
19.തിരൂരങ്ങാടി- പി.എം.എ സമീർ.
20.താനൂർ- പി.കെ.നവാസ്.
21.തിരൂർ- കുറുക്കോളി മൊയ്തൂൻ.
22.കൊട്ടയ്ക്കൽ- ആബിദ് ഹുസൈൻ തങ്ങൾ.
23.മണ്ണാർക്കാട്- എൻ. ഷംസുദീൻ.
24.ഗുരുവായൂർ- സി.എച്ച് റഷീദ്.
25.കളമശ്ശേരി- വി.ഇ അബ്ദുൾ ഗഫൂർ.