ഖത്തറിൽ നാദാപുരം സ്വദേശി നിര്യാതനായി.

ദോഹ: ഖത്തറിൽ പ്രവാസി മലയാളി നിര്യാതനായി. നാദാപുരം വാണിമേൽ മുളിവയൽ സ്വദേശി കുഞ്ഞിപ്പറമ്പത്ത് കുഞ്ഞബ്ദുല്ല ഹാജി (58) ആണ് മരിച്ചത്. ഹൃദയസംബന്ധമായ അസുഖത്തെ തുടർന്ന് ദോഹയിലെ ഹമദ് ഹോസ്പിറ്റലിൽ ചികിത്സയിലിരിക്കെയാണ് മരണം.

ഭാര്യ: മൈമൂന ചെറുമോത്ത്. പിതാവ്: പരേതനായ അമ്മദ്. മാതാവ്: പാത്തുമ്മ. മക്കൾ: ആബിദ, ലുലുവ, മുഹമ്മദ്. മരുമകൻ: ആസിഫ് കല്ലാച്ചി. സഹോദരങ്ങൾ: ആയിശ, നസീമ, നാസർ, ഇസ്മായിൽ. നടപടിക്രമങ്ങൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോയി. ബുധനാഴ്ച രാവിലെ 9ന് ചെറുമോത്ത് ജുമാ മസ്ജിദിൽ കബറടക്കം.