ലക്ഷങ്ങളുടെ സൈബർ തട്ടിപ്പ്; താമരശ്ശേരി സ്വദേശിയെ ഗുജറാത്ത് പോലീസ് അറസ്റ്റു ചെയ്തു.

താമരശ്ശേരി: ഗുജറാത്ത് പോലീസ് രജിസ്റ്റർ ചെയ്ത സൈബർ സാമ്പത്തിക തട്ടിപ്പ് കേസിൽ പ്രതിയായ താമരശ്ശേരി സ്വദേശി അറസ്റ്റിൽ. താമരശ്ശേരി വെളിമണ്ണ തെക്കിടിച്ചാലിൽ ഷഫീജ് (32)നെയാണ് ഗുജറാത്ത് സൈബർ പോലീസ് താമരശ്ശേരിയിൽ എത്തി അറസ്റ്റ് ചെയ്തത്.

താമരശ്ശേരി ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കിയ പ്രതിയെ ഗുജറാത്ത് പോലീസിൻ്റെ കസ്റ്റഡിയിൽ വിട്ടു. ഇയാളെ പോലീസ് ഗുജറാത്തിലേക്ക് കൊണ്ടുപോയി. ഗുജറാത്തിൽ നിന്നും ജീപ്പിൽ താമരശ്ശേരിയിൽ എത്തിയാണ് പ്രതിയെ പിടികൂടിയത്. ലക്ഷങ്ങളുടെ സൈബർ തട്ടിപ്പിൽ കർണാടക, തമിഴ്നാട് സ്വദേശികളും പ്രതികളാണ്.