തിരുവനന്തപുരം: സർവകലാശാല വൈസ് ചാൻസലർ നിയമനത്തിൽ സമവായത്തിലെത്തി സംസ്ഥാന സർക്കാരും ഗവർണർ രാജേന്ദ്ര ആർലേക്കറും. മുഖ്യമന്ത്രി പിണറായി വിജയനും ഗവർണറുമായി നടത്തിയ കൂടിക്കാഴ്ചയ്ക്ക് ഒടുവിലാണ് ഏറെക്കാലമായി നീണ്ടു നിന്നിരുന്ന തർക്കത്തിന് പരിഹാരമായത്. ഡോ. സിസ തോമസിനെ സാങ്കേതിക സർവകലാശാല വൈസ് ചാൻസലറായി നിയമിക്കാൻ സർക്കാർ സമ്മതിച്ചു. ഡോ. സജി ഗോപിനാഥിനെ ഡിജിറ്റൽ സർവകലാശാല വൈസ് ചാൻസലാറാക്കാനും ധാരണ.
പരിഗണിക്കാവുന്നവരുടെ പട്ടിക തയ്യാറാക്കി കമ്മിറ്റി മുഖ്യമന്ത്രിക്ക് കൈമാറിയിരുന്നു. മുഖ്യമന്ത്രി അതിൽ മുൻഗണനാക്രമം ഉണ്ടാക്കി ഗവർണറുടെ അംഗീകാരത്തിനു കൈമാറി. ഡിജിറ്റല് വാഴ്സിറ്റിയുടെ പട്ടികയില് ഡോ. സജി ഗോപിനാഥിന്റെയും സാങ്കേതിക സർവകലാശാലയുടെ പട്ടികയിൽ സി. സതീഷ് കുമാറിന്റെയും പേരാണ് മുഖ്യമന്ത്രി നല്കിയ ലിസ്റ്റില് ആദ്യമുള്ളത്.
ഇരു പട്ടികയിലും ഇടം പിടിച്ചത് ഡോ. സിസ തോമസും ഡോ. പ്രിയ ചന്ദ്രനുമാണ്. രണ്ടുപേരും ഗവര്ണര്ക്ക് താത്പര്യമുള്ളവരും. രണ്ടു പട്ടികയിലും ഉള്പ്പെട്ടവര് ഇവര് മാത്രമാണെന്ന് വാദിച്ച് സാങ്കേതിക സർവകലാശാലയിലേക്ക് സിസയെയും ഡിജിറ്റലിലേക്ക് പ്രിയയെയുമാണ് നിര്ദ്ദേശിക്കുന്നതെന്ന് ഗവര്ണര് സുപ്രീംകോടതിയെ അറിയിക്കുകയായിരുന്നു. സർക്കാരും ഗവർണറും തമ്മിലുള്ള തർക്കം തീർക്കാൻ മന്ത്രിമാരായ പി. രാജീവും ആര്. ബിന്ദുവും ലോക്ഭവനിലെത്തി ഗവര്ണറുമായി ചര്ച്ച നടത്തിയെങ്കിലും ഫലമുണ്ടായില്ല.
സമവായമുണ്ടായില്ലെന്ന് ഗവർണറും സർക്കാരും അറിയിച്ചതോടെയാണ് രണ്ടു സർവകലാശാലകളിലെയും വിസിമാരെ നിയമിക്കാൻ സ്വയം നിയമിക്കാൻ സുപ്രീംകോടതി തീരുമാനിച്ചത്. രണ്ടു സർവകലാശാലകളിലേക്കുമുള്ള വിസിമാരുടെ പേരുകൾ മുദ്രവച്ച കവറിൽ അടുത്ത ബുധനാഴ്ചക്കുളളിൽ കോടതിക്ക് നൽകാൻ ധൂലിയ കമ്മിറ്റിയോട് ആവശ്യപ്പെട്ടിരിക്കുകയാണ്. വ്യാഴാഴ്ച കോടതി ഇത് പരിഗണിക്കും.