കോടഞ്ചേരി: കോടഞ്ചേരി പെരുവില്ലിയിൽ പങ്കാളിയെ ഇസ്തിരിപ്പെട്ടി ഉപയോഗിച്ച് പൊള്ളലേൽപ്പിച്ച സംഭവത്തിൽ യുവാവ് റിമാൻ്റിൽ. പ്രതി ഷാഹിദ് റഹ്മാനെയാണ് താമരശ്ശേരി ജുഡീഷ്യൽ ഒന്നാം ക്ലാസ് മജിസ്ട്രേറ്റിന് മുമ്പാകെ ഹാജരാക്കി റിമാൻ്റ് ചെയ്തത്. ഇന്നലെ രാത്രി വേനപ്പാറയിൽ നിന്നും പിടികൂടിയ പ്രതിയെ അറസ്റ്റു രേഖപ്പെടുത്തിയ ശേഷം ഇന്ന് മജിസ്ട്രേറ്റിന് മുമ്പാകെ ഹാജരാക്കുകയായിരുന്നു.
പ്രതി യാതൊരു കുറ്റബോധവുമില്ലാതെ ക്യാമറയിലേക്ക് നോക്ക് കൈവീശി കാണിച്ചു. ഒരു വർഷം മുമ്പ് കുട്ടികളെ ഉപേക്ഷിച്ച് ഇറങ്ങിപോന്ന കൊണ്ടോട്ടി സ്വദേശിനിയായ 25 കാരിയെയാണ് പ്രതി അതിക്രൂരമായി പീഡിപ്പിച്ചത്. ഇസ്തിരിപ്പെട്ടി ഉപയോഗിച്ച് ദേഹമാസകലം പൊള്ളൽ ഏൽപ്പിക്കുകയും വായിൽ തുണി തിരുകി മുറിയിൽ അടയ്ക്കുകയും, കണ്ണിലും, കഴുത്തിലും, തലയിലും ക്രൂരമായി മർദ്ദിച്ച് കൊലപ്പെടുത്താനും ശ്രമിച്ചു.