എലത്തൂർ: അടച്ചിട്ട വീട് കുത്തിത്തുറന്ന് കവർച്ച. പാവങ്ങാട് പറമ്പത്ത് ‘അനവദ്യ’യിൽ ബാലകൃഷ്ണന്റെ വീട്ടിലാണ് കവർച്ച നടന്നത്. 14 പവൻ സ്വർണ്ണവും പണവും മോഷ്ടാക്കൾ കവർന്നു. കഴിഞ്ഞ ഞായറാഴ്ച വീടുപൂട്ടി മകളുടെ വീട്ടിലേക്കു പോയതായിരുന്നു ബാലകൃഷ്ണനും കുടുംബവും.
വെള്ളിയാഴ്ച രാത്രി ഏഴു മണിയോടെ വീട്ടിൽ മടങ്ങിയെത്തിയപ്പോഴാണ് കവർച്ച നടന്നതായി അറിയുന്നത്. മുൻവശത്തെ വാതിൽ കുത്തിത്തുറന്ന നിലയിലായിരുന്നു. മുറിയിലെ അലമാരയിൽ സൂക്ഷിച്ചിരുന്ന സ്വർണവും പണവുമാണ് കവർന്നത്. എലത്തൂർ പോലിസ് കേസെടുത്ത് അന്വേഷണം ആരംഭിച്ചു.