താമരശ്ശേരി: താമരശ്ശേരിയിൽ വാടക ക്വാർട്ടേഴ്സിൽ മോഷണം. ചന്ത റോഡിലെ ക്വാർട്ടേഴ്സിലാണ് മോഷണം നടന്നത്. കെട്ടിടത്തിൻ്റെ താഴത്തെ നിലയിലെ മുൻ ഭാഗത്തെ ജനൽ തുറന്ന് ഇതിനകത്തു കൂടെ കൈയിട്ട് വാതിലിൻ്റെ ടവർ വോൾട്ട് തുറന്ന് അകത്തു കയറിയാണ് കവർച്ച. കക്കയം സ്വദേശി ചെൽസിൻ പീറ്റർ താമസിക്കുന്ന ക്വാട്ടേഴ്സിലാണ് മോഷണം നടന്നത്.
ഇന്നലെ രാത്രിയിലായിരുന്നു സംഭവം. ക്വാർട്ടേഴ്സിന് അകത്തു കയറിയ മോഷ്ടാവ് മുറിയിൽ ഉറങ്ങുകയായിരുന്ന ഒരു വയസ്സുള്ള കുഞ്ഞിൻ്റെ കഴുത്തിൽ കിടന്ന ചെയിനും അരയിൽ കിടന്ന അരഞ്ഞാണവും, മുറിയിൽ ഹാൻ്റ് ബാഗിൽ സൂക്ഷിച്ച കൈ ചെയിനുമാണ് മോഷ്ടിച്ചത്. ഇതിനെല്ലൊം കൂടി രണ്ടര പവനിൽ അധികം തൂക്കം വരും.
വീട്ടുകാർ രാവിലെ ഉണർന്നപ്പോൾ വാതിൽ തുറന്ന് കിടക്കുന്നത് ശ്രദ്ധയിൽപ്പെടുകയും തുടർന്ന് പരശോധിച്ചപ്പോഴാണ് മോഷണവിവരം അറിഞ്ഞത്. താമരശ്ശേരി പോലീസ് കേസെടുത്ത് അന്വേഷണം ആരംഭിച്ചു. വിരലടയാള വിദഗ്ധരും സ്ഥലത്തെത്തി.