മുക്കം: കൊടിയത്തൂർ ആലുങ്ങലിൽ മാലിന്യ കുഴിയിൽ വീണ് പരിക്കേറ്റ വിദ്യാർത്ഥി മരിച്ചു. കൊടിയത്തൂർ ബുഹാരി ഇസ്ലാമിക് സെന്റർ ഹോസ്റ്റലിൽ താമസിക്കുന്ന ആലുവ സ്വദേശി മുഹമ്മദ് സിനാൻ (15) ആണ് മരിച്ചത്. ഇക്കഴിഞ്ഞ ഒക്ടോബര് 20നായിരുന്നു പാരാമൗണ്ട് ഓഡിറ്റോറിയത്തിന്റെ മാലിന്യക്കുഴിൽ വീണു വിദ്യാർത്ഥിക്ക് പരിക്കേറ്റത്. ചികിത്സയിൽ കഴിയുന്നതിനിടെ ഇന്ന് ഉച്ചയോടെയാണ് മരണം സംഭവിച്ചത്. മലപ്പുറം വണ്ടൂർ സ്കൂളിൽ പത്താം ക്ലാസ് വിദ്യാർത്ഥിയാണ് സിനാൻ. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.