സു.ബത്തേരി: വയനാട് പുൽപ്പള്ളിയിൽ കോളേജ് വിദ്യാർത്ഥിനി കുഴഞ്ഞു വീണു മരിച്ചു. മലപ്പുറം വണ്ടൂർ കുളിക്കാട്ടുപടി സ്വദേശിനി നീലങ്കോടൻ വീട്ടിൽ ഹസ്നീന ഇല്യാസ് (23) അണ് മരിച്ചത്. പുൽപ്പള്ളി പഴശ്ശിരാജാ കോളേജിലെ എംഎസ് സി മൈക്രോ ബയോളജി വിദ്യാർത്ഥിനിയാണ് ഹസ്നീന. ഇന്ന് വൈകിട്ട് കോളേജ് വിട്ട് ഹോസ്റ്റലിലേക്ക് പോകുന്ന വഴി കുഴഞ്ഞു വീഴുകയായിരുന്നു. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.