വീട്ടിൽ വൈകിയെത്തുന്നത് ചോദ്യം ചെയ്തു; താമരശ്ശേരിയിൽ മയക്കുമരുന്ന് ലഹരിയിൽ മകൻ പിതാവിനെ ആക്രമിച്ചു.

താമരശ്ശേരി: മയക്കുമരുന്ന് ലഹരിയിൽ മകൻ പിതാവിനെ ആക്രമിച്ചു. വീട്ടിൽ വൈകിയെത്തുന്നത് പിതാവ് ചോദ്യം ചെയ്തതാണ് മകനെ പ്രകോപനത്തിന് ഇടയാക്കിയത്. താമരശ്ശേരി വെഴുപ്പൂരിൽ ഇന്നലെ രാത്രിയിലാണ് സംഭവം. 

ഓടിക്കൂടിയ നാട്ടുകാർ വിവരമറിയിച്ചതിനെ തുടർന്ന് പോലീസ് സ്ഥലത്തെത്തിയിരുന്നു. പോലീസിൻ്റെ കൺമുന്നിൽ വെച്ചും ആക്രമണം നടത്തി. മൊബൈൽ ഫോണുകൊണ്ട് എറിഞ്ഞ് തലയ്ക്ക് മുറിവേറ്റ പിതാവ് ആശുപത്രിയിൽ ചികിത്സ തേടുകയായിരുന്നു. മകനെ പോലീസ് കസ്റ്റഡിയിലെടുത്തു.