കൊടുവള്ളി മാനിപുരത്ത് വാഹനാപകടത്തിൽ മൂന്നുവയസുകാരന് ദാരുണാന്ത്യം.

കൊടുവള്ളി: കൊടുവള്ളി മാനിപുരത്ത് മൂന്നുവയസുകാരൻ വാഹനാപകടത്തിൽ മരിച്ചു. മാനിപുരം കളരാന്തിരി മാതാംവീട്ടിൽ ചാൽപ്പോയിൽ മുനീറിൻ്റെ മകൻ ഉവൈസ് (3) ആണ് മരിച്ചത്. ഇന്നലെ വൈകുന്നേരം സ്വന്തം വീടിൻ്റെ മുൻപിൽ വെച്ച് ആണ് അപകടം. യുകെജി ക്ലാസിൽ പഠിക്കുന്ന സഹോദരിയെ കൂട്ടാനായി സ്വകാര്യ സ്കൂൾ വാഹനത്തിന് അടുത്തേക്ക് പോയ അവസരത്തിലാണ് അപകടം. 

സഹോദരിയെ സ്കൂൾ വാഹനത്തിൽ നിന്നും ഇറക്കി മാതാവ് ഡോർ അടക്കുന്ന അവസരത്തിൽ കൈവിട്ടുപോയ കുട്ടി അതേ വാനിൻ്റ മുന്നിൽപ്പെടുകയായിരുന്നു. പിതാവ് രണ്ടു ദിവസം മുമ്പാണ് വിദേശത്തേക്ക് പോയത്. ഇന്ന് നടപടിക്രമങ്ങൾ പൂർത്തിയാക്കി ഉച്ചയോടെ മൃതദേഹം വീട്ടിൽ എത്തിക്കും.