കോഴിക്കോട്: സാമൂഹിക മാധ്യമ നിരോധനത്തിന് പിന്നാലെ നേപ്പാളിൽ ഉടലെടുത്ത പ്രക്ഷോഭത്തെ തുടർന്ന് കേരളത്തിൽ നിന്നും പോയ വിനോദ സഞ്ചാരികള് യാത്രമധ്യേ കുടങ്ങി. കോഴിക്കോട് സ്വദേശികളടക്കമുള്ള നിരവധി മലയാളി വിനോദ സഞ്ചാരികളാണ് കാഠ്മണ്ഡുവിൽ കുടുങ്ങിയത്.
കോഴിക്കോട് ജില്ലയിലെ കൊടുവള്ളി, മുക്കം, കൊടിയത്തൂര് എന്നിവിടങ്ങളിൽ നിന്ന് നേപ്പാളിലേക്ക് പോയ നാല്പതോളം വിനോദ സഞ്ചാരികളാണ് വഴിയിൽ കുടുങ്ങിയത്. കാഠ്മണ്ഡുവിന് സമീപമാണ് ഇവര് നിലവിലുള്ളത്. റോഡിൽ ടയര് ഇട്ട് കത്തിച്ചുള്ള പ്രക്ഷോഭം തുടരുന്നതിനാൽ ഇവര്ക്ക് മുന്നോട്ട് പോകാനായിട്ടില്ല.
കഴിഞ്ഞ ഞായാറാഴ്ചയാണ് മലയാളി സംഘം നേപ്പാളിലേക്ക് തിരിച്ചത്. സമൂഹിക മാധ്യമ നിരോധനം പിന്വലിച്ചെങ്കിലും നേപ്പാളിൽ ഇപ്പോഴും സംഘര്ഷത്തിന് അയവില്ലന്നെണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.