കോടഞ്ചേരി: നാരങ്ങാത്തോട് പതങ്കയത്ത് കഴിഞ്ഞ ഞായറാഴ്ച ഉച്ചയോടെ കാണാതായ മഞ്ചേരി കച്ചേരിപ്പടി സ്വദേശി അലൻ അഷ്റഫിന് (16) ൻ്റെ മൃതദേഹം കണ്ടെത്തി. നാലാം ദിവസമായ ഇന്ന് നടത്തിയ തിരച്ചിലിൽ സിയാൽ ചെറുകിട ജലവൈദ്യുതി പദ്ധതിയുടെ ഡാമിൽ നിന്നാണ് അലന്റെ മൃതദേഹം ലഭിച്ചത്. കോടഞ്ചേരി പോലീസിന്റെ നേതൃത്വത്തിൽ ഇൻക്വസ്റ്റ് നടത്തി മുതദേഹം കോഴിക്കോട് മെഡിക്കൽ കോളേജിലേക്ക് കൊണ്ടുപോകും. ഇതോടെ പതങ്കയത് ഒഴുക്കിൽപ്പെട്ട് മരിച്ചവരുടെ എണ്ണം 28 ആയി.