ആലപ്പുഴ: പുന്നമടക്കായലിൽ 71ാംമത് നെഹ്റുട്രോഫി വള്ളംകളിയിൽ ജലരാജാവായി വീയപുരം ചുണ്ടന്. നടുഭാഗം ചുണ്ടൻ രണ്ടാം സ്ഥാനത്ത് ഫിനിഷ് ചെയ്തു. വില്ലേജ് ബോട്ട് ക്ലബ് കൈനകരിയാണ് വീയപുരം ചുണ്ടന് വള്ളം തുഴഞ്ഞത്. നടുഭാഗം ചുണ്ടന് തുഴഞ്ഞത് പുന്നമട ബോട്ട് ക്ലബ്ബാണ്. ഹീറ്റ്സിൽ മികച്ച സമയം കുറിച്ച നടുഭാഗം, നിരണം, മേല്പ്പാടം, വീയപുരം ചുണ്ടന് വള്ളങ്ങളായിരുന്നു ഫൈനലില് ഏറ്റുമുട്ടിയത്.
ആറാം ഹീറ്റ്സില് മുന്നിലെത്തിയാണ് വീയപുരത്തിന്റെ ഫൈനല് പ്രവേശം. മൂന്നാം ഹീറ്റ്സില് ഒന്നാമതെത്തിയാണ് മേല്പ്പാടം പള്ളാത്തുരുത്തി ബോട്ട് ക്ലബ്ബ് ഫൈനലിലേക്ക് പ്രവേശിച്ചത്. നാലാം ഹീറ്റ്സില് നടുഭാഗം ചുണ്ടനും അഞ്ചാം ഹീറ്റ്സില് പായിപ്പാടന് ചുണ്ടനുമാണ് ഒന്നാമത് എത്തിയത്. ആദ്യ ഹീറ്റ്സില് കാരിച്ചാല് ഒന്നാമത് എത്തിയെങ്കിലും ഫൈനല് കാണാതെ പുറത്താകുകയായിരുന്നു.
21 ചുണ്ടൻ ഉൾപ്പെടെ 75 വള്ളങ്ങളാണ് 71ാംമത് നെഹ്റുട്രോഫിക്കുവേണ്ടി മത്സരിച്ചത്. ചുണ്ടൻവള്ളങ്ങളുടെ മത്സരങ്ങൾ ആറു ഹീറ്റ്സുകളിലായിട്ടാണ് നടന്നത്. ആദ്യ നാലിൽ നാലു വള്ളം, അഞ്ചാം ഹീറ്റ്സിൽ മൂന്നു വള്ളം, ആറാമത്തേതിൽ രണ്ടു വള്ളം എന്നിങ്ങനെയായിരുന്നു മത്സരക്രമം. ഹീറ്റ്സിൽ മികച്ച സമയം കുറിച്ച 4 വള്ളങ്ങളാണ് ഫൈനലിലെത്തിയത്.