തലയാട്: തലയാട്- എസ്റ്റേറ്റ് മുക്ക് റോഡിൽ തെച്ചിയിൽ വാഹനാപകടം. തെച്ചി പള്ളിക്ക് സമീപം ബോലേറോ ജീപ്പും സ്വിഫ്റ്റ് കാറും കൂട്ടിയിടിച്ചാണ് അപകടമുണ്ടായത്. അപകടത്തിൽ അഞ്ചു പേർക്ക് പരിക്കേറ്റു. ഇരു വാഹനങ്ങളുടെയും മുൻഭാഗം പൂർണമായി തകർന്നു.
ഇന്ന് ഉച്ചയോടെയായിരുന്നു അപകടം. കല്ലാനോട് പരപ്പൻ പൊയിലിൽ സ്വദേശികൾക്കാണ് പരിക്കേറ്റത്. പരിക്കേറ്റവരെ ഓമശ്ശേരി സ്വകാര്യ ആശുപത്രിയിലും കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ആരുടെയും നില ഗുരുതരമല്ല.