തിരുവനന്തപുരം: കോഴിക്കോട് ജില്ലയിലെ ഓണം സ്പെഷ്യല് അരി, ഓണക്കിറ്റ് വിതരണത്തിലെ സാങ്കേതിക തടസ്സം പരിഹരിച്ചെന്നും ആഗസ്റ്റ് 19 മുതൽ വിതരണം പൂര്ണതോതിലാകുമെന്നും മന്ത്രി അനൂപ് ജേക്കബ് അറിയിച്ചു. ജില്ലയില് ഓണം സ്പെഷ്യല് അരി മുഴുവനും വിതരണത്തിന് അയച്ചു.
വിലക്കയറ്റം തടയാന് അരി മില്ലുകളില് ഉള്പ്പെടെ സ്പെഷ്യല് സ്ക്വാഡ് രംഗത്തുണ്ട്. പച്ചക്കറി കടകള്, റീടെയ്ല് മാര്ക്കറ്റുകള് എന്നിവിടങ്ങളിലും പരിശോധന ഊര്ജിതമാക്കാന് കലക്ടര്മാര്ക്ക് നിർദ്ദേശം നല്കി. അവശ്യ സാഹചര്യം കണക്കിലെടുത്ത് കോഴിക്കോട്, മലപ്പുറം ജില്ലകളിലെ ജീവനക്കാര് അവധിയെടുക്കുന്നത് ഒഴിവാക്കണമെന്ന് ആവശ്യപ്പെട്ടിട്ടുണ്ട്. ജില്ലകളിലെ റേഷന്- കിറ്റ് വിതരണത്തിന്റെ തുടർ അവലോകനം 19ന് നടക്കുമെന്നും മന്ത്രി പറഞ്ഞു.