കൊച്ചി: ഡല്ഹിയില് സമരം ചെയ്ത വിദ്യാര്ത്ഥികളെ അധിക്ഷേപിച്ച സംഭവത്തിൽ സംഘപരിവാര് സഹയാത്രികന് ടി.ജി മോഹന്ദാസ് പോലീസ് കസ്റ്റഡിയില്. എറണാകുളം മട്ടാഞ്ചേരിയിലെ വീട്ടില് റെയ്ഡ് നടത്തിയതിന് പിന്നാലെയാണ് മോഹന്ദാസിനെ കസ്റ്റഡിയിലെടുത്തത്. മോഹന്ദാസിനെ ഉടന് തിരുവനന്തപുരത്തേയ്ക്ക് കൊണ്ടുപോകും. അറസ്റ്റ് നടപടികള് തിരുവനന്തപുരത്ത് എത്തിയ ശേഷമായിരിക്കും. ടി ജി മോഹന്ദാസിന്റെ ഡിജിറ്റല് ഉപകരണങ്ങള് പൊലീസ് പിടിച്ചെടുത്തിട്ടുണ്ട്.
ഇന്ന് വൈകുന്നേരം അഞ്ചു മണിയോടെയായിരുന്നു തിരുവനന്തപുരത്ത് നിന്നുള്ള സൈബര് സെല് ഉദ്യോഗസ്ഥര് ടി.ജി മോഹന്ദാസിന്റെ മട്ടാഞ്ചേരിയിലെ വീട്ടില് എത്തിയത്. കേസെടുത്ത് പതിനൊന്ന് ദിവസം കഴിഞ്ഞിട്ടും ടി.ജി മോഹന്ദാസിനെ അറസ്റ്റ് ചെയ്യുന്നില്ലെന്ന വിമർശനം ഉയര്ന്നിരുന്നു. അര്ജുന് ആയങ്കിക്കെതിരെ നടപടി സ്വീകരിച്ച പോലീസ് എന്തുകൊണ്ട് ടി.ജി മോഹന്ദാസിനെ അറസ്റ്റ് ചെയ്യുന്നില്ലെന്ന ചോദ്യവും ഉയര്ന്നിരുന്നു. ഇതിനു പിന്നാലെയാണ് പോലീസ് മോഹന്ദാസിന്റെ വീട്ടില് പരിശോധനയ്ക്ക് എത്തിയത്.