തിരുവനന്തപുരം: 2026 കേരള എസ്എസ്എൽസി സേവ്-എ-ഇയർ പരീക്ഷകളുടെ അഡ്മിറ്റ് കാർഡുകൾ കേരള പരീക്ഷാഭവൻ പ്രസിദ്ധീകരിച്ചു. ഔദ്യോഗിക വെബ്സൈറ്റായ sslcexam.kerala.gov.in വഴി സ്കൂളുകൾക്ക് ഹാൾടിക്കറ്റുകൾ ഡൗൺലോഡ് ചെയ്യാം.
പരീക്ഷ എഴുതാൻ അപേക്ഷിച്ചിട്ടുള്ള വിദ്യാർത്ഥികൾക്ക് അവരുടെ സ്കൂളിൽ നിന്നും അഡ്മിറ്റ് കാർഡുകൾ കൈപ്പറ്റാവുന്നതാണ്. പരീക്ഷാ കേന്ദ്രത്തിൽ പ്രവേശിക്കുന്നതിന് ഹാൾടിക്കറ്റും, സാധുവായ ഒരു തിരിച്ചറിയൽ രേഖയും നിർബന്ധമാണ്.
പരീക്ഷാ ടൈംടേബിൾ തീയതി, സമയം, വിഷയം എന്നീ ക്രമത്തിൽ.
ജൂൺ 10, 2026: 09.30 AM–11.15 AM ഒന്നാം ഭാഷ- പാർട്ട് 1 (മലയാളം, തമിഴ്, കന്നഡ, ഉറുദു, ഗുജറാത്തി, അറബിക്, സംസ്കൃതം). 01.45 PM–03.30 PM സോഷ്യൽ സയൻസ്.
ജൂൺ 11, 2026: 09.30 AM–12.15 PM ഗണിതം (Mathematics). 01.45 PM–03.30 PM ഒന്നാം ഭാഷ- പാർട്ട് 2 (മലയാളം, തമിഴ്, കന്നഡ, സംസ്കൃതം, ഹിന്ദി, ജനറൽ നോളജ്).
ജൂൺ 12, 2026: 09.30 AM–11.15 AM കെമിസ്ട്രി.
ജൂൺ 15, 2026: 09.30 AM–12.15 PM ഇംഗ്ലീഷ്. 01.45 PM–03.30 PM ബയോളജി.
ജൂൺ 16, 2026: 09.30 AM–12.15 PM സോഷ്യൽ സയൻസ്. 01.45 PM–03.30 PM ഫിസിക്സ്.
ജൂൺ 17, 2026: 09.30 AM–10.45 AM ഇൻഫർമേഷൻ ടെക്നോളജി (IT).
സ്കൂളുകൾക്ക് ഹാള്ടിക്കറ്റ് എങ്ങനെ ഡൗൺലോഡ് ചെയ്യാം?
• പരീക്ഷാ ഭവന്റെ ഔദ്യോഗിക വെബ്സൈറ്റ് (sslcexam.kerala.gov.in) സന്ദർശിക്കുക.
• ഹോംപേജിലുള്ള അഡ്മിറ്റ് കാർഡ് ലിങ്കിൽ ക്ലിക്ക് ചെയ്യുക.
• സ്കൂൾ കോഡും മറ്റ് ലോഗിൻ വിവരങ്ങളും നൽകുക.
• 'Submit' ബട്ടൺ ക്ലിക്ക് ചെയ്ത് ഹാൾടിക്കറ്റുകൾ ഡൗൺലോഡ് ചെയ്ത് പ്രിൻ്റെടുക്കാവുന്നതാണ്.