കാസർകോട്: മകൻ്റെ അപ്രതീക്ഷിത മരണം സൃഷ്ടിച്ച തീരാവേദനയിൽ ദമ്പതികൾ ആത്മഹത്യ ചെയ്തു. പൊയിനാച്ചി പറമ്പ സ്വദേശികളായ വേണുഗോപാൽ (52), ഭാര്യ സ്മിത (47) എന്നിവരെയാണ് ഇന്ന് രാവിലെ വീടിനുള്ളിൽ മരിച്ച നിലയിൽ കണ്ടെത്തിയത്.
കഴിഞ്ഞ ഡിസംബർ 29-ന് ബേക്കൽ ബീച്ച് ഫെസ്റ്റിലെ സംഗീത പരിപാടി കഴിഞ്ഞ് മടങ്ങുന്നതിനിടെ ട്രെയിൻ തട്ടിയാണ് ഇവരുടെ മകൻ ശിവാനന്ദ് (19) മരണപ്പെട്ടത്. ഏക മകൻ്റെ വേർപാടിനെ തുടർന്ന് ദമ്പതികൾ കടുത്ത മാനസിക വിഷമത്തിലായിരുന്നുവെന്ന് ബന്ധുക്കൾ പറയുന്നു.
ഇന്ന് രാവിലെ പത്തുമണിയോടെ വീടിൻ്റെ ഹാളിലാണ് ഇരുവരെയും തൂങ്ങിമരിച്ച നിലയിൽ കണ്ടെത്തിയത്. മേൽപ്പറമ്പ് പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. മകൻ്റെ വിയോഗത്തിന് പിന്നാലെ മാതാപിതാക്കളും യാത്രയായത് നാടിനെ കണ്ണീരിലാഴ്ത്തിയിരിക്കുകയാണ്.