മുക്കം: കാരശ്ശേരി സഹകരണ ബാങ്കിൽ വിജിലൻസ് പരിശോധന. അനധികൃതമായി ലോണുകൾ നൽകിയെന്ന പരാതിയുടെ അടിസ്ഥാനത്തിലാണ് വിജിലൻസ് എത്തിയതെന്നാണ് സൂചന. വിജിലൻസ് ഡി.വൈ.എസ്. ശിവപ്രസാദിന്റെ നേതൃത്വത്തിലായിരുന്നു പരിശോധന നടത്തിയത്.
സഹകരണ ബാങ്ക് ചെയർമാൻ അബ്ദുറഹിമാൻ അനധികൃതമായി ലോണുകൾ നൽകിയ ശേഷം എഴുതിത്തള്ളിയതായി പരാതി ഉയർന്നിരുന്നു. തുടർന്നാണ് വിജിലൻസ് കാരശ്ശേരി ബാങ്കിൽ മിന്നൽ പരിശോധന നടത്തിയത്.
കാരശ്ശേരി സഹകരണ ബാങ്കുമായി ബന്ധപ്പെട്ട് മുമ്പും പരാതികളുയർന്നിരുന്നു. തെരഞ്ഞെടുപ്പുമായി ബന്ധപ്പെട്ട് കരട് വോട്ടർപട്ടികയുടെ ലിസ്റ്റ് കിട്ടിയില്ലെന്ന് പറഞ്ഞ് സി.പി.എം, കോൺഗ്രസ് പ്രവർത്തകർ തമ്മിൽ ഏറ്റുമുട്ടിയിരുന്നു.