കോഴിക്കോട് ഭർത്താവ് ഭാര്യയെ വെട്ടിപ്പരിക്കേൽപ്പിച്ചു; യുവതിയുടെ നില അതീവ​ഗുരുതരം.

കോഴിക്കോട്: ഫറോക്കിൽ ഭർത്താവ് ഭാര്യയെ വെട്ടിപ്പരിക്കേൽപ്പിച്ചു. അതീവ ഗുരുതരാവസ്ഥയിലായ യുവതിയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഭർത്താവ് എം.കെ ജബ്ബാർ ആണ് ഭാര്യ മുനീറയെ വെട്ടുകത്തി കൊണ്ട് ആക്രമിച്ചത്. യുവതിയുടെ തലക്കും കഴുത്തിനും കൈയ്ക്കും വെട്ടേറ്റു.

സംഭവത്തിൽ ഭർത്താവ് ജബ്ബാറിനെ പൊലീസ് കസ്റ്റഡിയിലെടുത്തു. പ്രതിക്കെതിരെ മുൻപും ഭാര്യയെ ആക്രമിച്ചതിന് കേസുണ്ട്. പ്രതി സ്ഥിരമായി ലഹരി ഉപയോഗിക്കാറുണ്ടെന്നാണ് ഭാര്യയുടെ ബന്ധുക്കളുടെ ആരോപണം.