നരിക്കുനി: തമിഴ്നാട് സ്വദേശിയായ മധ്യവയസ്കയെ വീടിനുള്ളിൽ മരിച്ചനിലയിൽ കണ്ടെത്തി. നരിക്കുനി നെടിയനാട് കണ്ണിപൊയിൽ താമസിക്കുന്ന മല്ലികയെ (50) ആണ് മരിച്ചനിലയിൽ കണ്ടെത്തിയത്. കസേരയിൽ ഇരിക്കുന്ന നിലയിലാണ് മൃതദേഹം. ടിവി തുറന്നിട്ട് റിമോട്ട് കയ്യിൽ പിടിച്ച നിലയിലാണ്. മൂന്നു ദിവസത്തോളം പഴക്കമുണ്ടെന്നാണ് പ്രാഥമിക നിഗമനം. സ്ഥലത്ത് ദുർഗന്ധം അനുഭവപ്പെടുന്നുണ്ട്.
വർഷങ്ങൾക്ക് മുമ്പ് നാട്ടിലെത്തി ഇവിടെ താമസമാക്കിയ ഇവരുടെ ഭർത്താവ് കൃഷ്ണനും അമ്മയും നേരെത്തെ മരണപ്പെട്ടിരുന്നു. ഒരു മകനുണ്ട്. പോലീസ് സ്ഥലത്തെത്തി തുടർനടപടികൾ സ്വീകരിച്ചു വരുന്നു.