കോഴിക്കോട്: ബീച്ച് റോഡില് ബൈക്കുകള് കൂട്ടിയിടിച്ച് രണ്ട് യുവാക്കള് മരിച്ചു. കണ്ണൂര് സ്വദേശി മര്വാന്, കക്കോടി കോയവളപ്പിൽ താമസിച്ചിരുന്ന കെ.ടി യൂനുസിൻ്റെ മകൻ ജുബൈദ് (18) എന്നിവരാണ് മരിച്ചത്. ഇരു ബൈക്കിനും പിന്നിലിരുന്ന മറ്റു രണ്ടു പേർക്ക് ഗുരുതരമായി പരുക്കേറ്റു. ഇവരെ കോഴിക്കോട് മെഡിക്കല് കോളജ് ആശുപത്രിയിൽ പ്രവേശിപ്പിച്ചു.
സൗത്ത് ബീച്ച് പെട്രോള് പമ്പിനു സമീപത്ത് ബുധനാഴ്ച പുലര്ച്ചെ മൂന്നു മണിയോടെയാണ് അപകടമുണ്ടായത്. രണ്ടു ദിശയിൽ നിന്നും വന്ന ബൈക്കുകൾ നേർക്കുനേർ കൂട്ടിയിടിച്ചാണ് അപകടം സംഭവിച്ചത്. ബെക്കുകൾ അമിതവേഗതയിലാണ് എത്തിയതെന്നാണ് നാട്ടുകാർ പറയുന്നത്. മൃതദേഹങ്ങൾ കോഴിക്കോട് ബീച്ച് ആശുപത്രി മോർച്ചറിയിലും മെഡിക്കൽ കോളേജ് മോർച്ചറിയിലും സൂക്ഷിച്ചിരിക്കുകയാണ്.