തിരുവനന്തപുരം: സംസ്ഥാനത്തെ സ്കൂളുകള്ക്ക് ഈ വര്ഷത്തെ ക്രിസ്മസ് അവധി പ്രഖ്യാപിച്ചു. ഡിസംബര് 24 മുതല് ജനുവരി 4 വരെയാകും അവധിയെന്ന് പൊതുവിദ്യാഭ്യാസ ഡയറക്ടര് അറിയിച്ചു. അർദ്ധവാർഷിക പരീക്ഷയ്ക്ക് ശേഷം 23ന് ആണ് സ്കൂൾ അടയ്ക്കുക. പിന്നീട് ക്രിസ്മസ് അവധി കഴിഞ്ഞ് ജനുവരി 5ന് സ്കൂൾ തുറക്കും.
പതിവില് നിന്ന് വ്യത്യസ്തമായി ഇത്തവണ ക്രിസ്മസിന് കുട്ടികള്ക്ക് 12 ദിവസങ്ങളാണ് അവധി ലഭിക്കുക. സാധാരണയായി വര്ഷങ്ങളില് 10 ദിവസമാണ് ക്രിസ്മസ് അവധി. തദ്ദേശ തെരഞ്ഞെടുപ്പിന്റെ പശ്ചാത്തലത്തില് ക്രിസ്മസ് പരീക്ഷ തീയതിയില് മാറ്റം വരുത്തിയതിനാലാണ് അവധികളുടെ എണ്ണം വര്ദ്ധിച്ചിരിക്കുന്നത്.