തെരുവുനായ ബൈക്കിന് കുറുകെ ചാടി പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു.

താമരശ്ശേരി: തെരുവുനായ കുറുകെ ചാടി ബൈക്ക് നിയന്ത്രണം വിട്ട് മറിഞ്ഞ് പരുക്കേറ്റ് ചികിത്സയിലായിരുന്ന വീട്ടമ്മ മരിച്ചു. കൂടത്തായി പൂവ്വോട്ടിൽ ആയിശക്കുട്ടി (49) ആണ് മരിച്ചത്. ദേശീയ പാതയിൽ താമരശ്ശേരി ചെക്ക് പോസ്റ്റിനും, അമ്പായത്തോടിനും മദ്ധ്യേ വെച്ചായിരുന്നു സംഭവം.

കഴിഞ്ഞ ശനിയാഴ്ച രാത്രി ഈങ്ങാപ്പുഴ കാക്കവയലിലെ ബന്ധുവിൻ്റെ വിവാഹ സൽക്കാരത്തിൽ പങ്കെടുക്കാൻ മകനൊപ്പം പോകുമ്പോഴായിരുന്നു അപകടം. ഇവർ സഞ്ചരിച്ച ബൈക്കിന് കുറുകെ തെരുവുനായ ചാടിയതിനെ തുടർന്ന് നിയന്ത്രണംവിട്ട് മറിയുകയായിരുന്നു. 

തലയ്ക്ക് സാരമായി പരിക്കേറ്റ ആയിശക്കുട്ടി കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം. മൃതദേഹം കോഴിക്കോട് മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്. ഭർത്താവ്: ഫൈസൽ. മക്കൾ: ഫസീല, ഹാഫിള് അഫ്സൽ ഹുദവി.