പേരാമ്പ്ര: പേരാമ്പ്രയിൽ യുവാവിനെ തോട്ടിൽ മരിച്ച നിലയിൽ കണ്ടെത്തി. പേരാമ്പ്ര ഹൈസ്കൂളിനടുത്ത് കിഴക്കേ ചങ്ങരത്ത് കുന്നുമ്മൽ സുധീഷ് (45) ആണ് മരിച്ചത്. ഇന്ന് രാവിലെ 9.15 ഓടെയാണ് ഓട്ടോ തൊഴിലാളിയായ സുധീഷിനെ തോട്ടിൽ മരിച്ച നിലയിൽ കണ്ടെത്തിയത്.
പനിയെ തുടർന്ന് താലൂക്ക് ഹോസ്പിറ്റലിൽ പോയതായിരുന്നു സുധീഷ്. പിന്നീട് വീട്ടിൽ തിരിച്ച് എത്താത്തതിനെ തുടർന്ന് നടത്തിയ അന്വേഷണത്തിലാണ് വീടിന് സമീപത്തെ തോട്ടിൽ കമിഴ്ന്നു കിടക്കുന്ന നിലയിൽ കണ്ടെത്തിയത്. ഉടൻ താലൂക്ക് ആശുപത്രിയിൽ എത്തിച്ചേങ്കിലും മരണം സംഭവിച്ചിരുന്നു.
പരേതരായ അരിയന്റെയും മാധവിയുടെയും മകനാണ്. ഭാര്യ: ശ്രീജ കിഴിഞ്ഞാണ്യം. സഹോദരങ്ങൾ: ജാനകി ബാബു, നാരായണി, ശാന്ത, യശോദ, രതീഷ്.