കോഴിക്കോട്: കോഴിക്കോട് ബീച്ചില്‍ യുവാവ് കഴുത്തറുത്ത് മരിച്ചു. ഇന്ന് ഉച്ചയോടെ കോഴിക്കോട് ലാന്‍ഡ്‌സ് പാര്‍ക്കിന് സമീപമാണ് സംഭവം. ബീച്ചിലെത്തിയ യുവാവ് തനിക്കിനി ജീവിക്കേണ്ടെന്ന് ഉറക്കെ വിളിച്ച് പറഞ്ഞ് ബ്ലേഡ് ഉപയോഗിച്ച് സ്വയം കഴുത്തറക്കുകയായിരുന്നു. തൊട്ടടുത്തുണ്ടായിരുന്ന ഒരാൾ വെള്ളയില്‍ പോലീസില്‍ വിവരമറിയിച്ചു.
പോലീസ് എത്തുമ്പോഴേയ്ക്കും യുവാവ് രക്തം വാര്‍ന്ന് നിലത്ത് വീണ് കിടക്കുകയായിരുന്നു. കോഴിക്കോട് മെഡിക്കല്‍ കോളേജില്‍ എത്തിക്കുമ്പോഴേയ്ക്കും മരണപ്പെട്ടിരുന്നു. ആരാണെന്ന് വ്യക്തമായിട്ടില്ല. മൃതദേഹം കോഴിക്കോട് മെഡിക്കല്‍ കോളേജ് മോര്‍ച്ചറിയിലേയ്ക്ക് മാറ്റി.