താമരശ്ശേരി: ഇന്നലെ മലയോര മേഖലയിൽ പെയ്ത കനത്ത മഴയിൽ ഈങ്ങാപ്പുഴയിൽ കാർ ഒഴുകിപ്പോയി. തട്ടൂർപറമ്പിൽ നിന്നും എലോക്കര വഴിയിലുള്ള ചപ്പാത്ത് മുറിച്ച് കടക്കുമ്പോഴായിരുന്നു സംഭവം. ശക്തമായ ഒഴുക്കിൽപ്പെട്ട് കാർ അര കിലോമീറ്ററോളം ഒഴുകിപ്പോയി.
ഇന്നലെ രാത്രി 11:30 ഓട് കൂടിയായിരുന്നു അപകടം. കാർ യാത്രികർ അത്ഭുതകരമായി രക്ഷപ്പെട്ടു. ആനക്കാംപൊയിലിൽ നിന്നും ഈങ്ങാപ്പുഴയ്ക്ക് വരുകയായിരുന്ന കാറാണ് ഒഴുക്കിൽപ്പെട്ടത്. ആനക്കാംപൊയിൽ സ്വദേശിയുടേതാണ് കാർ. ക്രെയിൻ ഉപയോഗിച്ച് പിന്നീട് കാർ പൊക്കിയെടുത്തു.