താമരശ്ശേരി: താമരശ്ശേരിയിൽ തെരുവുനായ സ്കൂട്ടറിന് കുറുകെചാടി യുവതികൾക്ക് പരിക്ക്. കോഴിക്കോട് കൊല്ലഗൽ ദേശീയ പാതയിൽ താമരശ്ശേരി നെരൂക്കും ചാലിലാണ് അപകടം. പേരാമ്പ്ര സ്വദേശികളായ ആർദ്ര, ആതിര എന്നിവർക്കാണ് പരിക്കേറ്റത്.
ഇന്നലെ രാത്രി എട്ടോടെയായിരുന്നു സംഭവം. തെരുവുനായ കുറുകെ ചാടിയതിനെ തുടര്‍ന്ന് സ്കൂട്ടർ നിയന്ത്രണംവിട്ട് മറിയുകയായിരുന്നു. ഇരുവരെയും കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
കഴിഞ്ഞ ദിവസം താമരശ്ശേരി ചെക്ക് പോസ്റ്റിന് സമീപം തെരുവുനായ കുറുകെചാടി ബൈക്ക് നിയന്ത്രണംവിട്ട മറിഞ്ഞ് തലയ്ക്ക് പരുക്കേറ്റ് വീട്ടമ്മ മരണപ്പെട്ടിരുന്നു.