കൊയിലാണ്ടി: കൊയിലാണ്ടിയില് ട്രെയിനില് നിന്ന് ചാടിയ യാത്രക്കാരന്റെ ഇരുകാലുകളും വേര്പ്പെട്ടു. ബെംഗളൂരു ബൊമ്മക്കല് സ്വദേശിയായ കൃഷ്ണപ്പയുടെ മകന് ശിവശങ്കറിനാണ് (40) ഗുരുതരമായി പരിക്കേറ്റത്.
ഇന്ന് രാവിലെ ഏഴോടെ റെയില്വെ സ്റ്റേഷനിലെ പ്ലാറ്റ്ഫോമിലെ ടിക്കറ്റ് കൗണ്ടറിനു മുമ്പിലായിരുന്നു അപകടം. സന്തരാഗാഛി- ഹൈദരാബാദ് സൂപ്പര് എക്സ്പ്രസ് ട്രെയിനില് നിന്നാണ് ശിവശങ്കര് ചാടിയത്. ഈ ട്രെയിനിന് കൊയിലാണ്ടിയില് സ്റ്റോപ്പില്ല.
ശിവശങ്കറിന്റെ ഇരുകാലുകളും വേര്പ്പെട്ട നിലയിലാണുള്ളത്. കൊയിലാണ്ടി ഫയര്ഫോഴ്സ് ശിവശങ്കറിനെ താലൂക്ക് ആശുപത്രിയില് എത്തിച്ചു. പരിക്ക് ഗുരുതരമായതിനാല് പ്രാഥമിക ചികിത്സയ്ക്ക് ശേഷം കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി.