താമരശ്ശേരി: അമീബിക് മസ്തിഷ്ക ജ്വരം ബാധിച്ച് നാലാം ക്ലാസുകാരി മരിച്ചതിനെ തുടർന്ന് താമരശ്ശേരി പഞ്ചായത്ത് പരിധിയിലെ ജലാശയങ്ങളിൽ ഇറങ്ങുന്നതിനും കുളിക്കുന്നതിനും ആരോഗ്യ വകുപ്പ് നിരോധനം ഏർപ്പെടുത്തി. ജലാശയങ്ങളിൽ അമീബിക് സാന്നിധ്യം ഉണ്ടാവാൻ സാധ്യതയുള്ളതിനാലാണ് നിയന്ത്രണം.
മരണപ്പെട്ട നാലാം ക്ലാസ് വിദ്യാർത്ഥിനി അനയ കുളിച്ച കുളത്തിൽ മുൻപ് കുളിച്ച കുട്ടികളുടെ വിവരം ആരോഗ്യ വകുപ്പ് ശേഖരിക്കുകയാണ്. കുളത്തിൽ നിന്നും ശേഖരിച്ച ജലം പരിശോധനക്ക് അയക്കും.