താമരശ്ശേരി: താമരശ്ശേരി പൊലീസ് സ്റ്റേഷൻ പരിധിയിൽ പന്ത്രണ്ടുകാരിയെ പീഡിപ്പിച്ച് ഗർഭിണിയാക്കിയ കേസിൽ 70-കാരൻ അറസ്റ്റിൽ. 12 വയസുകാരിയായ വിദ്യാർത്ഥിനിയെ സ്വന്തം വീട്ടിൽ വെച്ച് പീഡിപ്പിച്ച് ഗർഭിണിയാക്കിയ കേസിൽ സമീപവാസിയായ ഹുസൈനാണ് (70) അറസ്റ്റിലായത്. പെൺകുട്ടിയുടെ മൊഴി സ്ഥിരീകരിക്കാൻ ഇയാളെ ഡിഎൻഎ പരിശോധനക്ക് വിധേയനാക്കിയിരുന്നു. ഡിഎൻഎ ഫലം വന്നതോടെയാണ് അറസ്റ്റ് രേഖപ്പെടുത്തിയത്
കഴിഞ്ഞ മെയ് 15ന് വയറുവേദനയെ തുടർന്ന് പരിശോധനക്കായി എത്തിയപ്പോഴാണ് പെൺകുട്ടി അഞ്ച് മാസം ഗർഭിണിയാണ് എന്ന വിവരം പുറത്തറിയുന്നത്. തുടർന്ന് കുട്ടിയെ മെഡിക്കൽ കോളേജിൽ പ്രവേശിപ്പിച്ചു. മെഡിക്കൽ കോളേജിലെ ഡോക്ടർ നൽകിയ വിവരത്തിൻ്റെ അടിസ്ഥാനത്തിലാണ് പൊലീസ് കേസെടുത്തത്.