കണ്ണൂർ: മട്ടന്നൂർ കോളാരിയിൽ അഞ്ചു വയസുകാരൻ ഷോക്കേറ്റു മരിച്ചു. കോളാരി കുംഭംമൂല സ്വദേശികളായ അൽ മുബാറക് ഹൗസിൽ ഉസ്മാൻ മദനി-ആയിഷ ദമ്പതികളുടെ മകൻ സി. മുഹിയുദ്ദീൻ (5) ആണ് മരിച്ചത്. വീട്ടിലെ വരാന്തയിൽ ഗ്രിൽസിൽ പിടിപ്പിച്ചിരുന്ന മിനിയേച്ചർ ലൈറ്റിൽ നിന്നാണ് ഷോക്കേറ്റത്.
ഇന്നലെ രാത്രി എട്ടോടെയാണ് അപകടം. കുട്ടി ഗ്രിൽസിൽ പിടിച്ചപ്പോൾ ഷോക്കേറ്റ് തെറിച്ചുവീഴുകയായിരുന്നു. ഉടൻ കൂത്തുപറമ്പ് ഗവ. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഉളിയിൽ മജ്‌ലിസ് പ്രീ സ്കൂൾ വിദ്യാർത്ഥിയാണ്. സഹോദരങ്ങൾ: മുസ്ഹിന, മുബഷീറ, മുബാറക്ക്, മുനവിറ, മുസ്‌ലിഹ്.