കണ്ണൂർ: കണ്ണൂരിൽ കളിപ്പാട്ടത്തിനുള്ളിൽ നിന്നും രാജവെമ്പാലയെ പിടികൂടി. ചെറുവാഞ്ചേരി സ്വദേശി ശ്രീജിത്തിന്റെ വീട്ടിൽ നിന്നാണ് പാമ്പിനെ പിടികൂടിയത്. ഇലക്ട്രോണിക് ടോയ് കാറിന്റെ അടിയിലായിട്ടാണ് രാജവെമ്പാല ഉണ്ടായിരുന്നത്. ഇന്നലെ രാത്രിയാണ് സംഭവം. കളിപ്പാട്ടത്തിനുള്ളിൽ രാജവെമ്പാലയെ കണ്ടയുടനെ തന്നെ വീട്ടുകാർ വനം വകുപ്പിനെ വിവരമറിയിച്ചു.
തുടർന്ന് വനം വകുപ്പിൻ്റെ കീഴിലുള്ള പാമ്പുപിടിത്തക്കാരൻ ബിജിലേഷ് കോടിയേരി സ്ഥലെത്തെത്തി പാമ്പിനെ പിടികൂടുകയുമായിരുന്നു. ഏറെനേരം പണിപ്പെട്ടാണ് പാമ്പിനെ പിടികൂടിയത്. വലിയൊരു അപകടത്തിൽ നന്ന് രക്ഷപ്പെട്ടതിൻ്റെ ആശ്വാസത്തിലാണ് ശ്രീജിത്തും കുടുംബവും.