കാപ്പാട്: കാപ്പാടിനടുത്ത് വെങ്ങളത്ത് ബസ് അപകടം. അമിത വേഗതയിലായിരുന്ന ബസ് കൈവരിയിൽ ഇടിച്ച് നിരവധി യാത്രക്കാർക്ക് പരിക്കേറ്റു. കോഴിക്കോട് നിന്നും ഇരിട്ടിയിലേക്ക് പോയ ദീർഘദൂര ബസാണ് അപകടത്തിൽപ്പെട്ടത്. വ്യാഴാഴ്ച ഉച്ചയ്ക്ക് 1 മണിയോടെയായിരുന്നു അപകടം.
അമിത വേഗതയിലായിരുന്ന ബസ് മഴയെ തുടർന്ന് റോഡിൽ നിന്നും തെന്നിമാറി നിയന്ത്രണം നഷ്ടപ്പെട്ട് പാലത്തിന്റെ കൈവരിയിൽ ഇടിക്കുകയായിരുന്നു. ബസിന്റെ മുൻഭാഗം പൂർണമായും തകർന്നു. നാല്പതോളം പേർക്ക് പരിക്കുണ്ടെന്നാണ് വിവരം. പരിക്കേറ്റവരെ നാട്ടുകാരും ഇതുവഴി വന്ന യാത്രക്കാരും ചേർന്ന് ഉടന്‍ തന്നെ രക്ഷാപ്രവർത്തനം നടത്തി ആശുപത്രിയിലേക്ക് മാറ്റി.