പേരാമ്പ്ര: മേപ്പയ്യൂരിൽ വിൽപ്പനയ്ക്കായി കൊണ്ടുവന്ന 65 ഗ്രാം കഞ്ചാവുമായി യുവാവ് പിടിയിൽ. പേരാമ്പ്ര കൽപത്തൂർ സ്വദേശി വടക്കുമ്പാട്ടു ചാലിൽ സിനാനാണ് (37) പിടിയിലായത്. ഇയാൾ കഞ്ചാവ് പായ്ക്കറ്റുകളാക്കി വിൽപ്പന നടത്തുന്നതായി പോലീസിന് വിവരം ലഭിച്ചിരുന്നു. തുടർന്ന് ലഭിച്ച രഹസ്യവിവരത്തിൻ്റെ അടിസ്ഥാനത്തിലാണ് ഇന്നലെ വൈകുന്നേരം മേപ്പയ്യൂർ മഞ്ഞക്കുളത്ത് വെച്ച് പോലീസ് ഇയാളെ പിടികൂടിയത്.
കോഴിക്കോട് റൂറൽ ജില്ലാ പോലീസ് മേധാവി കെ.ഇ ബൈജുവിൻ്റെ കീഴിലെ നാർക്കോട്ടിക് സ്ക്വാഡും പേരാമ്പ്ര ഡിവൈഎസ്‌പി എൻ.സുനിൽകുമാറിൻ്റെ കീഴിലെ സ്ക്വാഡും മേപ്പയ്യൂർ എസ്ഐ ഗിരീഷ് കുമാർ.പിയുടെ നേതൃത്വത്തിലാണ് പ്രതിയെ പിടികൂടിയത്. പ്രതിക്കെതിരെ എൻഡിപിഎസ് ആക്ട് പ്രകാരം കേസ് രജിസ്റ്റർ ചെയ്തു.